Home Wararka Maanta Itoobiya Oo Sheegtay inay Fashilisay Rag ka Tirsan Alshabaab Oo Weerae ku Ahaa.
Wararka Maanta - July 31, 2021

Itoobiya Oo Sheegtay inay Fashilisay Rag ka Tirsan Alshabaab Oo Weerae ku Ahaa.


July 31, 2021 Dowladda Itoobiya ayaa sheegtay in aay fashilisay isku-day ay kooxda Al-shabaab ku doonaysay inay ku gasho dalka Itoobiya.

War-saxaafadeed kasoo baxay xafiiska isgaarsiinta ee deegaanka Soomaalida Itoobiya ayaa lagu sheegay in horraantii toddobaadkan la qabtay laba qof oo looga shakisan yahay inay ka tirsan yihiin Al-shabaab.

“Laba qof oo looga shakisan yahay inay ka tirsan yihiin Al-Shabab oo isku dayay inay ka soo galaan dhinaca Soomaaliya ayaa lagu qabtay deegaanka Mustaxiil ee dowlad-deegaanka Soomaalida Itoobiya,” ayaa lagu yiri bayaanka.

Hal qof oo la tuhunsan yahay ayaa ku dhintay is -rasaaseyn, halka eedaysanaha kale uu dhaawacmay kaddibna gacanta lagu dhigay, sida lagu sheegay bayaanka.

Bishii Janaayo, Itoobiya waxay ku dhawaaqday in la xiray tobanaan qof oo looga shakisan yahay xagjirnimada oo lala xiriirinayo Al-Shabab.

Leave a Reply

Your email address will not be published. Required fields are marked *